O luns 3 de febreiro, os grupos de 5º e 6º de E.P. e 1º e 2º de E.S.O.,
estivemos na Coruña para visitar as tres
Casas dedicadas á Ciencia:
- A Casa dos Peixes ou Aquarium Finisterrae
- Casa do Home ou Domus
- Casa das Ciencias.
O Aquarium está situado entre a Torre de Hércules e a praia do Orzán. Nada mais chegar botamos unha ollada ó espectáculo que presentaban as ondas que chegaban ata a costa, o noso Océano Atlántico estaba realmente “bravo” e deleitounos coa súa beleza.
Entramos no Aquarium e alí xa nos estaba esperando unha monitora que se
ocupou de ensinarnos as distintas salas e contounos unha morea de cousas sobre
os animais que viven nas nosas augas.
Pero foi a sala do Nautilus onde se atopa
Gastón, unha quenlla touro, a que nos embelesou completamente. Non saímos as
piscinas exteriores polo risco que había coas rachas de vento, pero dende as
fiestras vimos ás focas e tamén os desaliñados que fixo o temporal nos días
anteriores á nosa visita.
Dende alí marchamos para a Domus, onde coñecemos a forma do noso ADN, os
cromosomas, a forma e función das nosas neuronas, paseámonos por dentro da
maqueta do corazón, “chutamos” con forza un balón para comprobar a potencia das
nosas pernas e descubrimos moitas mais cousas relacionadas co noso corpo.
Foi
aquí onde comemos o “bocata” compartindo
cos compañeiros todas as ledicias que
nos prepararon na casa e, como non, volvemos a deleitarnos coa vista do mar e a
beleza desta zona da cidade da Coruña.
Coa barriga repletiña dividímonos en dous grupos, uns marchamos visitar a
Praza de María Pita, o Castelo de San Antón e outras zonas da Coruña que
conforman a nosa historia e outros fomos
para a Casa das Ciencias que está na zona alta da Cidade, dentro do Parque de
Santa Margarita.
Este foi o primeiro museo científico que se fixo na Coruña e
está nun palacete moi fermoso que consta de catro plantas con diferentes
módulos experimentais onde soamente teñen un lema “todo
se pode tocar e manipular” e así o fixemos. Aprendemos cousas sobre o péndulo,
pois no canón da escaleira segue estando o famoso péndulo de Foucault co que
demostrou o movemento de rotación terrestre, tamén aprendemos cousas sobre
ondas, o son, a luz, incluso vimos nacer uns pitiños na incubadora. A verdade é
que invita a volver porque faltounos tempo para ver todo.
Para rematar subimos
ata a última planta onde nos puxeron unha sesión no planetario.
Foi unha xornada moi intensa pero única que invita a volver a visitar estas
Casas.
0 Response to "CORUÑA 3-02-14"
Publicar un comentario